November 9th, 2012
Bea Alonzo, Zanjoe Marudo may bagong pelikula
Isang pelikula ang pagbibidahan ng magkasintahang Bea Alonzo at Zanjoe Marudo bilang bahagi ng pelikulang 24/7 In Love na inihahandog ng Star Cinema. Bading ang magiging role ni Zanjoe sa naturang pelikula at totoong nailang umano siya sa karakter na kaniyang ginampanan. Hindi umano siya nakapaghanda agad dahil biglaaan ang shooting ng pelikula nila ni Bea. Kinabahan naman daw ang dalaga nang unang malaman ang magiging proyekto nila ng kaniyang nobyo. Aminado si Bea Alonzo na natakot siyang makaramdam ng kaba sa pakikipagtrabaho kay Zanjoe Marudo.
Parehong excited ang mag-asawang Regine Velasquez at Ogie Alcasid sa kanilang nalalapit na concert na pinamagatang Silver na magaganap sa Mall of Asia Arena ngayong November 16. Ayon sa mister ng Asia’s Songbird na si Ogie, hindi umano niya nakikitaan ng stress ang asawang si Regine sa naturang concert. Sa dinami-raming concert na ginawa ng asawa ay ito na umano ang natatanging concert na nahalata niyang relaxed na relaxed ang asawa. Naniniwala si Ogie Alcasid na maaaring ang pagiging ina ni Regine Velasquez ang naging dahilan kung bakit mas naging confident na ito sa kaniyang sarili.
Para kay Kim Chiu, matagal ng tapos ang namagitan sa kanila ni Gerald Anderson ngunit masaya naman daw siya dahil muli silang nagkasama sa isang proyekto. Sa press con ng pelikula nina Kim at Gerlad na may pamagat na 24/7 In Love ay ibinahagi ng dalawa ang kasiyahan sa oportunidad na makatrabahoa ng isa’t-isa. Hindi maitatanggi na nananatili pa rin ang chemistry sa pagitan nina Kim Chiu at Gerald Anderson. Maging ang mga tagahanga ng tambalang Kimerald ay hindi na makapaghintay sa muling pagbabalik pelikula ng kanilang mga idolo. Halos dalawang taong hindi nagkasama sa kung anong proyekto sina Kim at Gerald kung kaya hindi na rin nila maiwasang makaramdam ng excitement dito.
Hindi itinanggi ni Zsa Zsa Padilla na namimiss niya ang kaniyang longtime partner na si Dolphy matapos nitong pumanaw noong July 10. Ilang araw na lang bago ang Pasko at ito ang unang pagkakataon na hindi namakakasama nina Zsa Zsa ang partner nitong si Dolphy. Nabanggit noon ng singer na kinakausap niya pa rin si Dolphy tuwing umaga habang siya ay nagkakape dahil dito niya inilalabas ang kaniyang kalungkutan. Ayaw naman daw kasing magkuwento patungkol kay Dolphy na mabigat ang kalooban. Minsan ay tiningnan daw ni Zsa Zsa Padilla ang litrato ni Dolphy sa Internet at hindi naiwasan nito na ma-miss ang partner. Walang saw din daw niya itong sinabihan ng katagang ‘I love you’.
Hindi itinatago ni Dominic Roco ang kaniyang tampo sa GMA Network dahil tila wala umanong nangyayari sa kaniyang career. Pumirma ng limang taong kontrata si Dominic sa GMA Artist Center at halos isang taon na lamang ang natitira rito. Nilinaw naman ng GMA network ang sinasabing pagpapabaya umano nila sa career ni Dominic Roco na anak ng batikang aktor na si Bembol Roco. Nilinaw ng tagapagsalita ng GMA network na hindi nila pinapabayaan ang career ng binatang aktor dahil kasalukuyan naman daw itong kasali sa epic-fantasy series na Indio na pagbibidahan ng senador na si Bong Revilla.
Kaibigan na lamang daw ang turing ngayon ni Melai Cantiveros sa dati nitong nobyo na si Jason Francisco. Kung sakali naman daw magkabalikan sina Mela at Jason ay hindi naman daw nila ito ililihim sa mga tao. Ayon pa kay Melai Cantiveros, hindi niya alam kung ano ang dahilan ng pakikipagbalikan pa kay Jason Francisco ngayong hiwalay na sila. Hindi naman daw sinasabi ng dalaga na wala ng pag-asa na magkaroon muli sila ng relasyon ng komedyante pero mas mabuti umano kung manatili na muna silang magkaibigan ngayon.
Hindi naiwasang itanong kay Judy Ann Santos ang patungkol sa bagong isyu patungkol kay Sharon Cuneta. Ito ay kaugnay ng mga bashers ni Megastars sa social networking site na Twitter. Malapit na magkaibigan si Juday at Sharon kung kaya hindi na nakaiwas pa ang Teleserye Queen sa mga taong gustong malaman ang kaniyang reaksyon patungkol sa naturang isyu. Ayon sa 34-taong-gulang na aktres, mas mabuti umano na huwag nang pansinin ng mga tao kung ano man ang pinagdadaanan ngayon ni Sharon Cuneta. Hiling naman ni Judy Ann Santos na itigil na ang mga paninirang ito dahil alam niyang marami ng taong nasasaktan.
Kahit abala si Aiza Seguerra sa magkabila niyang trabaho ay hindi naman daw niya nakakalimutan na alagaan ang kaniyang love life. Napapabalitang karelasyon ngayon ng singer-actress ang baguhang singer na si Krizza Neri. Ayaw namang magsalita ni Aiza pagdating sa katanungan kung ano ang tunay na estado ng kanilang relasyon ni Krizza. Balitang ang Protégé singing champion umano ang kasalukuyang inspirasyon ng dalaga. Naniniwala si Aiza Seguerra na kapag nagbitiw siya ng kahit anong salita patungkol dito ay maaari niya itong ikapahamak.
Si Richard Gutierrez at Marian Rivera ang magsisilbing host sa muling nagbabalik na programa ng GMA-7 na Extra Challenge. Ang naturang programa ay kinakailangan ng paghahanda sa pisikal, emosyonal at mental na aspeto dahil na rin sa mga challenges na pwedeng ibigay. Ayon kay Richard, hindi sila basta-basta magiging kampante bilang hosts dahil kapag nag back-out ang isang contestant ay maaari itong saluhin ni Marian. Masaya naman si Richard Gutierrez dahil makakatrabaho niyang muli ang dalagang aktres na si Marian Rivera. Matatandaang nagkasama na ang dalawa sa pelikulang My Bestfriend’s Girlfriend. Ayon sa binata, palaban ang kaniyang oc-host na maaari umanong ikagulat ng mga manonood.
Pumanaw na ang ama ni John Estrada na si Vicente Estrada dahil sa naranasan nitong cardiogenic shock noong nakaraang Lunes, November 5. Bagamat nagluluksa si John sa kaniyang Daddy Vicente ay nagiging panatag naman siya sa ideya na nasa pangangalaga na ng Maykapal ang kaniyang ama. Masakit umano para kay John Estrada ang makita ang sariling ama na naghihirap dahil sa karamdaman nito. Ang aktor na rin daw mismo ang magsasalita para sa buong pamilya nila dahil alam niyang panatag na ang ama nito sa kaniyang kinalalagyan. Sapat na raw para kay John na hindi na mararanasan ng amang si Vicente Estrada ang mga naranasan niyang hirap dito sa mundong ibabaw.
